O Dépor despachou hoxe o carné número 22.119

Os socios que retiren o seu carné antes do próximo xoves 30 de xuño ou ese mesmo día terán un desconto de aproximadamente un 20% sobre o prezo dos abonos da pasada tempada. Este desconto partir do 1 de xullo, será aproximadamente dun 15%. Para facilitar na medida do posible a demanda aos afeccionados, desde o luns 27 de xuño ao xoves 30 de xuño incluído, a Oficina de Atención ao Socio e Accionista abrirá ininterrompidamente desde as 10.00 ás 19.30 horas.
 
O Real Club Deportivo esgotou os asentos destinados a novas altas de socios nas localidades de Maratón Inferior e Preferencia Inferior Lateral. Debido a esta circunstancia, o Consello de Administración branquiazul (aparte os descontos especiais para júnior, parados e xubilados) viuse obrigado a ampliar a categoría Sub-23 (para os afeccionados nados a partir do 1 de xullo de 1987, é dicir, que non cumpren os 24 anos ata o próximo 1 de xullo) tamén en Maratón Superior ao prezo de 190 euros. Esta nova modalidade creouse xa hai uns días nas localidades de Tribuna Superior, Tribuna Inferior, Tribuna Dianteira e Preferencia Superior ao prezo de: 252 euros en Tribuna Superior; Tribuna Inferior, 241 euros; Tribuna Dianteira, 215 euros; e Preferencia Superior, 212 euros. Estes prezos incrementaranse en aproximadamente un 5% a partir do 1 de xullo.
 
Como é habitual desde fai máis dunha década, o Consello de Administración non contempla a posibilidade de días de axuda ao club. Por conseguinte, o abono inclúe todos os partidos de Liga (21) en Riazor, máis o Trofeo Teresa Herrera, amigables e os partidos da Copa do Rei.

Mañá xoves 23 de xuño e o venres 24, o horario da Oficina de Atención ao Socio e Accionista, sita na entrada aos Palcos VIP do Estadio de Riazor - Avd. da Habana (na bancada de Preferencia), á que se accede entre as portas 15 e 16 do Estadio, é de 10.00 a 13.30 e de 17.00 a 19.30 horas. Máis información ou no Tlf.981 22 94 10.

 

NOVAS ALTAS: Exceptuando este mes de xuño, as novas altas de socios pagasen 30 € en concepto de inscrición, excepción feita nas localidades de infantil, junior, xubilados, parados, socio amigo ou que sexa accionista do R.C. Deportivo da Coruña, S.A.D.
As novas inscricións de socios deben subscribir dúas accións, para garantir a súa numero de asento no futuro. Se non queren subscribilas poden non facelo pero, en tempadas posteriores, podrian perder o seu número de asento salvo que se trate de localidades de parados, xubilados, infantís ou junior.

As novas altas de junior, parados ou xubilados situaranse na bancada de Pavillón xa que en preferencia inferior xa se esgotaron.

Xubilados: Oferta a partir de 65 anos de idade.

Parados: Deberan acreditar o seu situacion de paro co cartón actualizado do INEM.

Junior: Só poderán ocupar a bancada de Preferencia Inferior e Pavillón Inferior, cun límite de idade de ata 23 anos. Se se cumpren os 24 anos antes do 1 de Xullo non será considerado como Junior.

Sub23: Só poderán ocupar as bancadas de Tribuna e Preferencia Superior, cun límite de idade de ata 23 anos. Se se cumpren os 24 anos antes do 1 de Xullo non será considerado como Sub23.

Socio Amigo: Poden adquirirse tanto nas oficinas, como no teléfono 902434443 ou na Deportienda Online. Terá dereito a asistir a un partido de Liga, que elixirá durante a tempada 2011/2012, á bancada de fondo de Pavillón Superior adquirindo o número de socio que conservará mentres permaneza de alta no R.C. Deportivo. Esta modalidade está dirixida a persoas que residen no estranxeiro, nenos recien nados, etc. O partido será seleccionado na semana que se poñan á venda as entradas e sempre suxeito á dispoñibilidade das mesmas.

A renovación de carnés de Socio de Ouro así como os carnés de Xubilado deberán retiralos os propios interesados ou no seu caso outra persoa cunha "Fe de Vida"

Os cambios de asento dentro da mesma bancada realizaranse ao finalizar o prazo de retirada de abonos entre Novembro e Decembro de 2011.

No noso afán de chegar a todos os afeccionados, deseñamos un esquema de abonos e prezos que permite que calquera seguidor poida facerse abonado do Club, desta forma esperamos que a cuestión económica non sexa para ninguén un impedimento para a asistencia ao fútbol.

Ademais, ante o gran éxito das últimos campañas, mantemos os abonos para xubilados, parados e para persoas que sinxelamente desexen facerse amigos do club.