O Dépor imponse ao Real Madrid na gran final e logra a súa décimo quinta Torre de Hércules

Pola súa banda, o Real Madrid, coa mente posta tamén na Supercopa de España que afrontará o vindeiro sábado, saltou cun once novo, cunha maioría de futbolistas que non xogaron ante Vos Belenenses e moita mocidade: Agus, Soldado, Adrián...

A primeira parte saldouse cun golazo de Riki nunha xogada que xa deu os seus froitos a tempada pasada. Balón centrado á área madridista, prolonga Taborda aproveitando a súa altura e Riki, de tiro cruzado, bate a Dudek. A liga pasada, o gol da vitoria ante Osasuna en Riazor logrouse de maneira similar, aínda que foi Lopo o rematador no canto de Riki e coa cabeza e non co pé, como nesta ocasión.

Tras o descanso, o Real Madrid empatou o partido cun golazo de Baptista, de forte chute desde fóra da área. Imparable para Munúa. Pero o Dépor tivo a sorte dos campións. Á xogada seguinte, Verdú lanza directamente unha falta que, tras tocar nun defensa merengue, cóase na meta de Dudek. A pesar desta nova contrariedade, o Real Madrid puxo cerco á meta deportivista. Lotina reaccionou e deu entrada a De Guzmán, espléndido nos minutos finais, e a Sergio. O equipo coruñés recuperou a pelota e acabou o partido sen pasar demasiados abafos.