O deportivismo e Valerón levan polo aire ao Dépor a unha crucial vitoria sobre o Athletic
var ivPlayer1383553 = new IVPlayer("350", "197",false, "http://www.canaldeportivo.tv/", "/i/player/1342b.gif",IVPlayer.TYPE_JWPLAYER4, "/i/player/skin-depor.swf"); ivPlayer1383553.playVideo('player1383553', 'LFP10-11_J36_deportivo2-athletic1_10
Lotina tomou nota do sucedido en Xixón e repetiu once, salvo o cambio 'cantado' de Lopo, sancionado ante o Sporting, por Aythami. No entanto, o Athletic, que quere regresar a Europa, e vimbias ten para iso, plantouse en Riazor disposto a puntuar.
Toquero adiantou ao seu equipo no minuto 2. O dianteiro branquivermello, listo como el só, cóase entre os centrais do Dépor e bate por baixo de tiro cruzado a Aranzubía.
Este golpe aparvou ao Deportivo, non así á afección, que seguiu apoiando con máis forza. Valerón volveu coller a batuta do ataque e empezou a crear perigo a través de Riki, ao que se lle nublaron as ideas en dous contragolpes case en solitario ante Iraizoz; e a velocidade de Adrián, outro futbolista en estado de graza.
Aos 20 minutos empatou precisamente Adrián. Recolle un rexeite da defensa vasca e de tiro cruzado desde a esquina da área pequena, tras golpear nun defensa, coa o balón na meta de Iraizoz ante o delirio dos afeccionados. O Athletic non arroxou a toalla e puido volver marcar Llorente, quen en claro fóra de xogo non sinalado cabecea ao traveseiro da meta de Aranzubía.
O Dépor empuxaba e rozaba o gol ante un rival que llas vía e desexaba para frear as acometidas branquiazuis.
Ao descanso chegouse no entanto con empate. Lotina, que seguiu o partido desde unha cabina de radio, baixou ao vestiario disposto a non deixar que os seus futbolistas baixasen a intensidade, conscientes de que o tres puntos eran vitais. E vaia se o conseguiu. Entre Adrián e Riki tiveron as mellores oportunidades do partido, como un disparo do madrileño que saca Iraizoz nunha gran parada.
Das botas de Valerón, ¿quen se non? e da velocidade de Adrián chegou o segundo gol, o definitivo que abría as portas da esperanza para a permanencia. O asturiano encara a Iraizoz por velocidade e cede a Riki que chegaba desde atrás. Con todo Castelo adiántase e no seu afán por despexar marca en propia meta. O 2-1 fixo que Riazor viñese abaixo.
O que sucedeu no Molinón, co empate no último minuto do desconto, foi unha lección moi ben aprendida polo Deportivo, que pechou todas as vías de entrada a Aranzubía. O Athletic só tivo unha oportunidade, un cabezazo de Toquero que se marcha fóra por pouco.
Ao final, delirio en Riazor, e 42 puntos que deixan ao Dépor a un chanzo da permanencia. Os futbolistas tiveron que regresar ao terreo de xogo para saudar e agradecer o apoio aos miles de afeccionados que quedaron nas bancadas, especialmente aos Riazor Blues, incansables no seu alento.
O vindeiro domingo 15 de maio, o Dépor visitará o Camp Nou ás 21.00 horas.
Deportivo: Aranzubia; Laure, Lopo, Colotto, Manuel Pablo; Juan Rodríguez (Aythami; min. 78), Rubén Pérez, Gardado; Riki (Juan Domínguez; min. 90), Valerón e Adrián (Lassad; min. 85).
Athletic de Bilbao: Iraizoz; Iraola, Ekiza, Amorebieta, Castelo; David López (Gabilondo; min. 68), Gurpegi (Iturraspe; min. 57), Javi Martínez (Ibai Gómez; min. 76), Muniain; Toquero e Llorente.
Goles: 0-1; min. 3: Toquero. 1-1, m. 22: Adrián; 2-1, m. 71: Castelo en propia meta.
Arbitro: Mateu Lahoz, do colexio valenciano. Mostrou amarela a Juan Rodríguez, Gardado e Riki, por parte do Deportivo.
Incidencias: Practicamente cheo en Riazor.
