FABRIL
O Fabril visitará Navalcarnero cunha renda mínima (2-1) lograda esta mañá en Riazor
O Fabril logró unha renda mínima (2-1) ante o Navalcarnero no partido de ida da segunda eliminatoria do Play Off de Ascenso a Segunda División B, disputado esta mañana no Estadio de Riazor ante uns 6.000 afeccionad
O encontro foi de claro dominio deportivista, dono do balón, que se adiantou no marcador grazas aos goles de Óscar (na recta final do primeiro tempo) e Otero (a comezos da segunda metade).
Os branquiazuis embotellaron por momentos ao Navalcarnero no seu campo e gozaron das mellores ocasións, como un chute de Hugo Rama de socato na área pequena que sacou a meta madrileño Olmedo; ou un lanzamento de falta de Alex Corredera que se estrelou no traveseiro e que Róber enviou fóra o rexeite, con todo a favor.
Pero os madrileños demostraron que son un equipo con moito oficio, que non dubidou en empregar todas as armas para frear aos branquiazuis.
Ademais, exhibiu a súa fortaleza nas accións de estratexia, ao recortar diferenzas (2-1) cun tanto de falta no bordo da área, no minuto 77, obra de Berodia, ex futbolista do CD Lugo e unha das estrelas do equipo.
A última oportunidade do partido foi de novo para Róber, que non acertou a rematar na área pequena unha falta lateral.
Fabril: Anxo, Blas, Lucas, Róber, Iago, Santi Taboada, Óscar Pinchi, Edu, Otero, Hugo Rama e Pol Calvet. Tamén xogaron: Álex Corredera.
O partido de volta que decidirá o pase á terceira e definitiva eliminatoria será o domingo 12 de xuño ás 18.00 no Estadio Municipal Mariano González de Navalcarnero.
