O Real Club Deportivo prescinde dos servizos de Fernando Vázquez
O Consello de Administración do Deportivo decidiu prescindir dos servizos de Fernando Vázquez como adestrador do primeiro equipo. Así fíxollo saber o presidente do Club, Tino Fernández, ao técnico de Castrofeito na reuni
A falta de confianza do Consello de Administración cara ao adestrador provocou a toma desta decisión nun momento no que, sen comezar aínda a pretemporada, é aínda posible reconducir a situación creada para xerar, no primeiro persoal e en toda a estrutura profesional do Club, o ambiente de confianza necesario para poder desenvolver o proxecto deportivo e empresarial que ten que permitir ao Deportivo ser un equipo competitivo, a todos os niveis, en Primeira División.
A pesar da situación suscitada nos últimos días, o Real Club Deportivo da Coruña quere agradecer sinceramente a Fernando Vázquez a aposta realizada en momentos complicados para o equipo e o traballo realizado desde a súa chegada ao Club.
Desde este momento os esforzos centraranse na procura dun novo responsable técnico para o primeiro equipo co fin de que poida comezar a pretemporada o próximo día 14 de xullo.
Nos próximos días, o presidente do Deportivo da Coruña analizará publicamente toda esta situación.