Os socios que este ano cumpren 25 anos como abonados do Real Club Deportivo recibiron este mércores 19 e xoves 20 de abril no Estadio ABANCA-RIAZOR as correspondentes insignias de prata do Club.
Os novos Socios de Prata celebraron a súa festa no Estadio ABANCA-RIAZOR, divididos en dúas xornadas. Para empezar a velada, os socios puideron gozar dunha pequena visita guiada polas entrañas do recinto, pisar o vestiario deportivista e sentar nos bancos.
Os 125 novos posuidores da insignia de prata do Deportivo recibiron a mesma na sala de prensa de ABANCA-RIAZOR, nun acto no que os abonados Bajrudin Djogo, o mércores, e Alberto Sánchez García, o xoves, falaron en nome dos homenaxeados. Antonio Couceiro, presidente do RC Deportivo, entregou as insignias xunto a catro lendas deportivistas: Fran, Manuel Pablo, Ramón Piña e Carlos Ballesta. Posteriormente, todos os invitados gozaron dun cóctel na Área 1906 e puideron fotografarse cos 7 trofeos oficiais conquistados polo Club: a Liga 1999-2000, as Copas do Rei de 1995 e 2002, a Copa España de 1912 e as Supercopas de España de 1995, 2000 e 2002.
Os socios que desexen obter as fotos destes actos poden descargalas na seguinte ligazón:
