Participar na Ampliación de Capital do Dépor é, desde hoxe, moito máis sinxelo

Así destacaba Tino Fernández, desde o punto de vista de vinculación emocional, a participación dos accionistas do Deportivo na ampliación de capital. Unha ampliación de capital que o pasado luns día 1 iniciou a súa segunda fase, destinada aos actuais accionistas do Club coa posibilidade de adquirir entre 1 e 1.500 accións.

 

Nesta fase, o Deportivo chegou a un acordo con ABANCA para financiar aos accionistas que ademais son clientes do banco, a compra con cartóns de crédito da entidade, de entre 2 e 50 accións en 3, 6, 9 ou 12 meses sen intereses. Para iso os accionistas deben realizar a operación co seu cartón de crédito ABANCA na Oficina de Atención ao Deportivista ou no 981 229 410.

 

Ademais, nos próximos días, todos os accionistas do Deportivo recibirán no seu domicilio unha carta para informarlles das condicións deste acordo e para que dispoñan das instrucións necesarias para acceder á área privada de www.eteu.gal na que poderán actualizar os seus datos de contacto ou comprar accións (sen financiamento especial) con cartón de crédito ou PayPal.

 

Cando se peche a terceira fase, xa cos socios que non son accionistas agora mesmo pero que pasarán a selo tras esa fase, emitirase para todos os accionistas do Real Club Deportivo un carné que acredita esta condición e que permitirá acceder ao plan de fidelización que está a desenvolver o Club.

 

Nesta ampliación non vai haber un desconto en carnés de abonos futuros porque o Deportivo necesita o diñeiro para fortalecerse financieramente sen perder a súa estrutura de capitalismo "popular", pero si que sendo accionista do Deportivo vaise a acceder a descontos, produtos e servizos que farán rendible o comprar accións do Deportivo.