Esta semana, todas as persoas socias do RC Deportivo que o desexen poderán mostrar a súa vontade de acudir ao Racing de Ferrol-Dépor (A Malata, domingo 16 de abril, 19:00 h.) pre-reservando a súa entrada para o choque en entradas.rcdeportivo.es.
O RC Deportivo porá a disposición da súa afección un total de 460 entradas, sendo a distribución: 460 para persoas socias mediante o sistema de pre-reserva de entradas, 346 a disposición das peñas deportivistas e xestionadas directamente pola Federación de Peñas do Deportivo en virtude do convenio entre ambas as entidades e 60 para compromisos institucionais do Club.
Como en anteriores partidos de alta demanda, ponse en funcionamento o sistema de pre-reserva de entradas seguindo estes criterios:
- O luns 3 ás 10:00 h. activarase a plataforma entradas.rcdeportivo.es, que estará operativa até o martes 4 ás 23:59 horas.
- Só poderán pre-reservar entradas persoas socias do RC Deportivo. O sistema permitirá facer a pre-reserva de 1 ou 2 localidades para o partido. A persoa socia deberá introducir o seu nome, apelidos, número de Abonado/a e ID de socio/a. Ao facer click en "Pre-reservar" recibirá un correo que deberá validar obrigatoriamente para completar o proceso (advertencia: nalgúns casos este correo chega á caixa de correos de spam, polo que se recomenda comprobar a súa recepción, xa que a validación é obrigatoria para completar a pre-reserva).
- Lémbrase ás persoas socias do RC Deportivo que a adxudicación é nominativa, por tanto a persoa socia que introduza a súa ID, nome e apelidos e sexa seleccionada na pre-reserva, xa sexa seleccionando 1 entrada ou se selecciona 2, terá que facer uso directo da súa entrada, non podendo cedela a un terceiro.
- A todas aquelas persoas socias que non teñan acceso a internet ofréceselles a posibilidade de facer persoalmente a pre-reserva na Oficina de Atención ao Deportivismo do Estadio ABANCA-RIAZOR. As persoas empregadas do RC Deportivo serán as encargadas de introducir os seus datos no sistema para que este xere o número de pre-reserva correspondente. Esta opción estará dispoñible luns e martes de 10:00 a 13:30 e de 16:30 a 19:00 horas.
- Unha vez pechado o prazo para este proceso, se o número de pre-reservas realizadas por persoas socias do Deportivo é inferior ao número de entradas dispoñibles, a adxudicación e reserva de entradas será directa. No caso de que o número de pre-reservas sexa superior a 460, todas as pre-reservas validadas ordenaranse automaticamente por antigüidade de socio/a.
- Cada persoa adxudicataria recibirá un correo electrónico indicándolle que pode proceder a retirar a súa/s entrada/s o sábado 8 de abril nos despachos de billetes do Palacio dos Deportes de 16:00 a 20:00 h.; ou o luns 10 e martes 11 na Oficina de Atención ao Deportivismo en horario de 10:00 a 13:30 e de 16:30 a 19:00, sendo imprescindible mostrar o DNI físico ou fotocopia das persoas destinatarias finais das entradas, sendo un deles o da persoa socia que realizou a solicitude.
- Pasados ese tres días de prazo de recollida, as entradas sobrantes daquelas persoas adxudicatarias que non as retirasen poranse a disposición de todas as persoas socias do Club o mércores 12 de abril en venda libre e directa no horario antes sinalado de apertura da OAD. Chegado este caso, extremo que se confirmará pública e pertinentemente a través de todas as plataformas de comunicación do Club, tamén é imprescindible a presentación do DNI de cada destinatario final das entradas, podendo retirarse un máximo de dúas entradas por persoa socia e podendo presentar cada unha un único carné en portelo.
