"O Dépor é un grande de España", manifestou aos medios de comunicación Rudy, que unha vez acabado o acto púxose a disposición de Fernando Vázquez na concentración do Deportivo en Monforte. "Quero facer algo grande na miña carreira aquí", engade.
Ademais, recoñece que futbolistas como Bruno Gama e Ze Castro influíron na súa decisión de fichar polo Dépor. "Os meus axentes dixéronme que a Segunda División de España é moi competitiva", subliña.
