Víctor: ''O Elxe foi superior en todo''

"Tras unha derrota así os xogadores están contrariados, pero o deporte e a competición teñen isto. Temos que recuperarnos deste mal grolo para chegar nas mellores condicións ao partido do Vilarreal, aínda que tras o de hoxe hai máis traballo que facer para o sábado. O que está claro é que facer valoracións en quente non ten moito sentido. As cousas non saíron ben, buscáronse solucións e tentouse", razoou, antes de evitar calquera tipo de cábala: "non facemos quinielas nin para o noso equipo nin para o resto".