Víctor Sánchez: O noso máximo rendemento ímolo a atopar sempre na forza do equipo
Víctor Sánchez do Amo manifestó esta mañana en rolda de prensa que, a unha semana de que arrinque a liga 2015-16, os técnicos están "contentos co traballo en xeral e facémosllo chegar aos xogadores nas charla
A xuízo do técnico deportivista, "a nosa forza ten que ser ese traballo, esa unión que nos faga ser cada día máis competitivos. Sempre hai días que se está un pouquiño máis baixo e aí estamos nós tamén para chamar a atención, tirar e insistir para que ese traballo poida ser progresivo e ascendente".
Insiste Víctor en que "o noso máximo rendemento ímolo a atopar sempre coa forza do equipo. Sabemos que a nosa afección, que está moi ilusionada do mesmo xeito que nós con este proxecto, está a esperar éso do equipo. E o que máis demanda é que lle unamos a todo ese traballo a entrega e o esforzo para que estean a nos apoiar e animándonos desde o primeiro día".
Lembra a unión que houbo a tempada entre afección e equipo nos partidos de máis dificultade, nos máis importantes. "Esa unión axudou a conseguir os resultados que nos permitiron salvar ao equipo. É o punto de partido dese ano", engade.
Sobre a lesión de Fabricio producida o pasado mércores no amigable de Mugardos, á que Víctor cualificou como "unha desgraza", di o técnico branquiazul que "agora só nos queda animar a Fabri nese proceso de recuperación que empezou desde onte. Que sexa canto antes e que poida estar canto antes con todos nós, recuperado ao cento por cento".
Neste sentido, asegura o adestrador deportivista que "ten plena confianza en Germán Lux, como no resto de compañeiros".
