Default

Cunha gran temporada en LaLiga Santander ás súas costas (a 2014-2015 co Rayo Vallecano) e a bagaxe de ser internacional francés en todas as categorías inferiores aterrou no mercado de inverno este veloz e hábil extremo, cedido polo Hebei chinés. Precisamente coa selección de Francia Sub-19 obtivo o seu maior éxito, ao conquistar o Campionato de Europa da categoría no ano 2010, torneo no que foi elixido mellor xogador da fase final, o que lle valeu unha fichaxe pola canteira do Chelsea, club no que acabou de formarse e deu o salto ao profesionalismo, apadriñado por Didier Drogba.