A canteirá Lucía Rivas acaba de ser convocada para uns adestramentos coa selección española sub-16 que terán lugar na Ciudad del Fútbol de Las Rozas (Madrid) do luns 27 ao mércores 29 deste mes de marzo.
Con ficha cadete do Orzán SD, esta atacante de Caldas de Reis alterna partidos co Deportivo ABANCA B de Primeira Nacional co Orzán SD Xuvenil Feminino de Primeira Autonómica.
Esta pasada fin de semana, por exemplo, foi titular no filial feminino no seu partido ante o Olímpico de León.
Lucía Rivas colle o testemuño doutra deportivista, Elena Vázquez, que acaba de lograr coa selección española sub-17 o pase á Fase Final do Campionato de Europa do próximo mes de maio en Estonia.
