Diego Aguirre e Josep Calavera pasáronse pola zona mixta do Estadio ABANCA-RIAZOR.
O lateral toledano lamentouse por "non poder levarnos o tres puntos pero xa vén o bonito e o que queriamos. Xa estamos a pensar no Linares Deportivo e desde mañá a preparar o partido".
Asegura que "os xogadores estamos a pensar xa no play off. É unha semana que vai ser bonita. Vai ser aquí en ABANCA-RIAZOR e queremos dar unha alegría a #ANOSAFORZA".
Aguirre cualifica o partido desta tarde ante Unionistas como "importante para o xogador que non xoga. Na primeira parte estivemos moi ben, faltounos o gol. Logo é verdade que na segunda eles apertan un pouco máis e con xogadores non afeitos a xogar o ritmo baixou un pouquiño. O bo é que non houbo ningún xogador lesionado e estamos todos dispoñibles para o sábado".
Pola súa banda, Josep Calavera manifestou que o choque ante Unionistas foi "moi disputado. Eles querían gañar porque tiñan esas opcións de meterse en play off. Nós tentamos dalo todo. Quizais nos faltou un pouco facer un pouco máis de perigo. Un partido máis, pechamos a temporada e agora a centrarnos no importante".
Do rival, o Linares Deportivo, o mediocentro branquiazul subliña que "o estudaremos durante a semana. De momento non o coñecemos porque non sabiamos quen nos ía a tocar. Será moi complicado pero confiamos en que o podemos sacar adiante".
Josep Calavera coincide con Aguirre en que o partido ante Unionistas era "moi importante porque xogamos os que levabamos menos minutaxe. Foi unha boa oportunidade. Agradecerlle ao míster que nola deu. Tentamos dar o máximo, aproveitala, que non é fácil".
