RCD / NOVAS

Borja queda co Dépor do primeiro tempo: 'arroupado, con moitas axudas e as ideas moi claras'

  Borja Vale comparó na sala de prensa de Abegondo as dúas últimas derrotas ligueiras do Deportivo: en Riazor ante o Leganés e en Madrid ante a Atlético. "O partido aquí en casa ten unha lectura más negativa. Igual cometemos más erros e houbo momentos do partido nos que nos relaxamos. Éste (o do Vicente Calderón) foi todo o contrario. Deixámonos a pel o noventa minutos, traballamos moito e non tivemos recompensa", explica.

27/09/2016 12:58

Ao seu xuízo, a expulsión de Fayçal "é un punto que che marca no partido. Son cousas que pasan. El non quere facer iso. Atopámonos coa expulsión e tes que expor o partido doutra forma. Sabes que, a partir de aí, se xa estabas a sufrir, tes que sufrir máis".

Asegura non estar preocupado por Florin Andone, que de momento non se estreou en liga: "Fixo goles sempre, faraos sempre. O momento no que marque o primeiro chegarán os demais. Hai que darlle toda a confianza, a nosa tena".
 
Referiuse tamén a Emre Çolak, un dos destacados no Vicente Calderón: "É un xogador diferente, gústalle ter o balón, ten moita habilidade, non se esconde. Deunos moito e vainos a dar. Sabemos que é un xogador que vai acabar sendo moi importante".
 
Borja admite que, durante a primeira parte en Madrid, "si vin un equipo arroupado, con moitas axudas, coas ideas moi claras. Sabiamos que iamos sufrir. Estás no Calderón contra un Atlético de Madrid, que sabes que che van a presionar, que tiran os laterais, que tiran os extremos. Vin un Deportivo tranquilo, confiado, coas ideas moi claras. Os primeiros 45 minutos estiveron moi ben. Sabiamos que na segunda parte non ía ser o mesmo. Pero aínda así competimos o noventa minutos e fixemos un bo partido".
 
Recoñece que "o fútbol son goles, e cando miras as estatísticas empézasche a preocupar un pouco. O fútbol é isto. Vai acabar chegando, que no momento que entre unha van entrar todas. Hai que seguir crendo. Creo que o máis difícil é ter ocasións e estámolas tendo, estamos a xerar ocasións, estamos a xerar perigo. Neste sentido estás preocupado pero á vez estás tranquilo".
 
Décimo sexto agora mesmo na clasificación con 5 puntos, o atacante berciano apunta que "obviamente eu non se se hai mellor ou peor persoal que a do ano pasado porque non compartín vestiario. Coñezo o persoal deste ano, coñezo aos meus compañeiros. Sei que hai capacidade dabondo para facer algo bonito. Pero se como son as demais persoais e como é o fútbol. É moi complicado. Levas dous partidos sen puntuar e as cousas ven máis negativas, pero nós estamos con confianza, crendo, que é súper importante, e con moitas ganas de afrontar o próximo partido e os que veñan".

Máis novas de: BORJA VALLE