Luis Miguel Cruz Hernández (Puerto de Santa María, Cádiz, 23 de maio de 2001), coñecido futbolísticamente como Luismi Cruz, reforza ao Dépor.
O extremo esquerdo andaluz asina até xuño de 2029 con opción a ampliación.
Procede do CD Tenerife, onde nas dúas últimas temporadas (2024-25 e 2023-24) xogou 69 partidos en LaLiga Hypermotion e 2 partidos en Copa del Rey. Marcou en total 6 goles e repartiu 12 asistencias.
Formado na canteira do Sevilla FC, chegou a debutar no primeiro equipo do conxunto hispalense (temporada 2021-22), cun total de 2 partidos en Primera División, 1 na UEFA Europa League e 1 en Copa del Rey.
O seu curriculum complétano 55 partidos e 8 goles en Segunda División B e Primera Federación co filial sevillista; e 37 partidos con 8 goles e 8 asistencias no seu paso polo Barça Atlétic (campaña 2022-23), entre eles un derbi contra o Real Madrid no Estadi Johan Cruyff correspondente ao play off de ascenso no que marcou 2 goles e deu un pase de gol.
Luismi Cruz é a terceira fichaxe do Dépor após os xa confirmados de Arnau Comas e Lucas Nouby.
