O EQUIPO

O RC Deportivo é un dos máis de 40 equipos que conforman LaLiga Genuine, un proxecto que combina o fútbol e a inclusión social lanzado por LaLiga durante a tempada 2017–2018. É unha competición composta por equipos da comunidade DI (persoas con discapacidade intelectual) na que, ademais dos puntos outorgados polos resultados deportivos e co obxectivo de priorizar o espírito deportivo, todos os clubes reciben un número de puntos cada xornada para premiar o xogo limpo.