CONSELLO DE ADMINISTRACIÓN

JUAN CARLOS ESCOTET RODRÍGUEZ

PRESIDENTE

MADRID, 1959

Juan Carlos Escotet Rodríguez é presidente do RC Deportivo desde 2024. Banqueiro e empresario, é presidente de ABANCA e fundador e presidente de Banesco Internacional. Á fronte do Club impulsa un proxecto baseado na estabilidade institucional, a solvencia económica e o crecemento sostible, cunha visión a longo prazo. Baixo o seu liderado, o RC Deportivo regresou ao fútbol profesional.

MICHELLE CLEMENTE ESCOTET

VICEPRESIDENTA

CARACAS (VENEZUELA), 1994

Licenciada en Business Management pola Universidade de Carolina do Norte en Chapel Hill. Foi xogadora do Dépor ABANCA e da selección venezolana sub-17 e sub-20. Participou no Mundial sub-17 en 2010, no Campionato Sudamericano sub-17 e sub-20 e disputou a Copa Libertadores en 2011. É experta en análise financeira, optimización de procesos e cumprimento normativo. Anteriormente, desenvolveu a súa carreira nas áreas de medios de pago, hostalaría, márketing e responsabilidade social corporativa.

MASSIMO ADALBERTO BENASSI

CONSELLEIRO DELEGADO

PORDENONE (ITALIA), 1991

Licenciado en Dereito, con proxecto de fin de carreira no ámbito do dereito deportivo, é máster en dereito deportivo pola Universidade de Bolonia e MBA en xestión de entidades deportivas da Escola Universitaria do Real Madrid. Massimo Adalberto Benassi incorporouse ao RC Deportivo o 21 de xuño de 2022 como director de desenvolvemento de negocio. Ata ese momento, Benassi exercera como director de desenvolvemento de negocio e márketing da UD Ibiza. Antes de incorporarse ao club insular, en setembro de 2018, exerceu de asistente do director xeral do CD Leganés na tempada 2017-2018.

CARLOS ALBERTO BALLESTA EDREIRA

CONSELLO DE ADMINISTRACIÓN

SAN PEDRO DE NÓS, A CORUÑA, 1955

Vinculado ao Deportivo como futbolista, adestrador e ojeador durante case 40 anos. Chegou ao equipo xuvenil en 1970, subiu ao Fabril en 1973, deu o salto ao primeiro equipo en 1974 e nel disputou 278 encontros oficiais ata que se retirou en 1985. Entre 1986 e 1995 exerceu como segundo adestrador con Eusebio Ríos, Luis Rodríguez Vaz e con Arsenio Iglesias, e desde 1995 ata 1999 como técnico do Fabril. É conselleiro do RC Deportivo desde o 17 de xullo de 2023.

BENITO COUCEIRO

CONSELLO DE ADMINISTRACIÓN

A CORUÑA, 1972

Doutor en Dereito e profesor universitario. É director das áreas de Operacións de Capital Humano e Socios de Negocio de Servizos Centrais de ABANCA e responsable de Relacións Laborais. É conselleiro do RC Deportivo desde o 11 de outubro de 2024.

JOSÉ VICENTE FERNÁNDEZ RODRÍGUEZ

CONSELLO DE ADMINISTRACIÓN

CARACAS (VENEZUELA), 1969

Licenciado en Ciencias da Actividade Física e do Deporte, con especialización en deportes de equipo, principalmente fútbol, baloncesto e balonmán. Conta con formación complementaria en Ciencias da Actividade Física, Deporte e Saúde, no INEF Galicia. A súa traxectoria profesional desenvólvese integramente no mundo do deporte. Foi adestrador e preparador físico no Básquet Coruña, técnico nas escolas deportivas de baloncesto e fútbol da Coruña, e técnico deportivo de actividades físico-deportivas e de saúde en Abegondo. É conselleiro do RC Deportivo desde 2023.

MARTA FERNÁNDEZ CURRÁS

CONSELLO DE ADMINISTRACIÓN

VIGO, 1963

Licenciada en Ciencias Empresariales. Exerceu de Inspectora de Hacienda e interventora e auditora do Estado. Ademáis de ser ex conselleira de Facenda da Xunta. Na actualidad é consellera independente de Ecoener. É conselleiro do RC Deportivo desde o 11 de outubro de 2024.