Unha viaxe única polo pasado, o presente e a identidade dun club que forma parte da cidade da Coruña
O Dépor Museo & Tour está formado por tres salas: a Sala Branca, a Sala Dourada e a Sala Azul, con máis de 250 pezas expostas e un destacado compoñente interactivo e audiovisual.
A experiencia tamén inclúe a posibilidade de realizar un tour polos espazos que xogadores e xogadoras percorren cada fin de semana, desde os vestiarios e a sala de prensa ata a saída ao terreo de xogo, unha experiencia única para calquera visitante e para todo o deportivismo.
Este novo espazo eríxese como o primeiro museo do deporte integrado na rede de Centros Museísticos de Galicia.
TOUR GUIADO
Déixate levar pola historia do RC Deportivo cunha visita guiada que che descubrirá cada recuncho do Estadio ABANCA-RIAZOR. Acompañado por un guía, coñecerás de preto os momentos máis emblemáticos do club mentres percorres os seus espazos máis icónicos, desde o vestiario ata a saída dos xogadores.
TOUR LIBRE
Explora ABANCA-RIAZOR ao teu propio ritmo cunha visita que combina o acceso ao museo e un percorrido por algunhas das zonas máis representativas do estadio. Unha experiencia flexible que che permite deterte en cada espazo, descubrir a historia do Dépor e achegarte a recunchos clave do día de partido con total liberdade.
Desfruta da sala branca completamente de balde
Constitúese como o punto de partida da experiencia deportivista e un lugar dinámico no que realizar diferentes actividades. A sala, articulada arredor dos valores do Club, evidencia o vínculo do RC Deportivo coa súa comunidade e afección. Baixo a forza visual dun mural dedicado á masa humana do Dépor, móstrase a evolución do Estadio ABANCA-RIAZOR e os diferentes proxectos sociais que leva a cabo a RC Deportivo Fundación.
O que a xente di sobre a experiencia
Unha experiencia incrible
Crear o Dépor Museo&Tour é unha forma de acordarse das persoas que formaron parte do Club e iniciaron a súa historia en 1906. Este é o camiño para crecer. Para min é un orgullo estar aquí hoxe e sentir que A Coruña é a miña casa.
BEBETO - Ex-xogador do RC Deportivo
Algunha pregunta?
