O DÉPOR GENUINE PARTICIPA EN BURGOS NA TERCEIRA FASE DE LALIGA GENUINE MOEVE NUN FIN DE SEMANA DE APERTAS, SORRISOS E EXPERIENCIAS INESQUECIBLES

A Cidade Deportiva do Burgos CF é o escenario esta fin de semana da terceira fase de LaLiga Genuine Moeve para o Dépor Genuine.Os rivais de Os Nosos serán o Real Valladolid e o CD Lugo.Serán días nos que os 24 equipos dos grupos de Deportividade, Respecto e Compañeirismo volverán atoparse para compartir unha experiencia na que o fútbol se converte nunha ferramenta de inclusión, convivencia e aprendizaxe de valores tanto dentro como fóra do campo.En LaLiga Genuine cada partido é unha lección de superación, inclusión e compañeirismo. Un espazo onde as diferenzas desaparecen e onde o deporte se converte nunha linguaxe capaz de unir, emocionar e ensinar valores dentro e fóra do terreo de xogo.Serán xornadas de apertas, sorrisos, reencontros e experiencias inesquecibles entre persoas que entenden o fútbol dende o seu lado máis humano e auténtico.

A competición comezará o sábado 30 de maio pola tarde, co partido fronte aos pucelanos; e continuará durante a mañá do domingo 31, no que o rival será o CD Lugo.Iso si, aquí o máis importante non é o resultado. O verdadeiramente importante é compartir o camiño, medrar xuntos e demostrar que o fútbol pode cambiar vidas.Despois dos partidos do domingo celebrarase a entrega de medallas a todos os equipos participantes, nun acto que contará coa presenza de autoridades, representantes institucionais e marcas colaboradoras da competición.