'Desde o Presidente ata o míster confiaron en min', razoa Manuel Pablo sobre a súa continuidade

Recoñece que na súa continuidade influíu a presenza de Víctor Sánchez do Amo no banco deportivista: "Desde que chegou xa contou comigo desde o principio. O primeiro partido xa me puxo, viume, confiou en min e víame que podía seguir".

Confesa falar xa con Juan Carlos Valerón, recentemente ascendido coa UD As Palmas: "Estou moi alegre por el e pola Unión Deportiva, que levaba dous anos ou tres tentándoo. Creo que llo merecían e fixeron unha gran campaña. Esperando un pouco o calendario". "Sempre estamos con éso, que non nos retiramos ata que se retire o outro. Temos esa pelexa. Alégrome porque o Fraco merécese estar en Primeira División por todo o que deu. Cando nos atopemos haberá pique", chancea.

Explica que a súa misión esta tempada será, ademais de xogador, "tamén como o ano pasado, tentar que o grupo estea compacto o máis posible. Pero éso é traballo tamén dos propios compañeiros. Levar as cousas con normalidade, que é o que digo sempre".

De face aos obxectivos do Deportivo esta campaña, "o noso obxectivo é salvar a categoría pero que non cheguemos con esas angustias ata o final. Oxalá podamos render ben e ser un equipo un pouco máis regular que o ano pasado. Con éso creo que dará para non sufrir ata o final".

Valora a chegada de futbolistas como Navarro ou Arribas: "Son xogadores que renderon, que teñen a súa experiencia xa. Son xogadores importantes, que nos van a dar moito. O ano pasado sufrimos moito atrás, recibimos moitos goles. Despois Fabricio estivo inconmensurable. É unha tarefa que temos que mellorar".

Comenta que a liña do Club en canto ás novas incorporacións é "buscar xente competitiva, que xa sabes que ten un rendemento. Non con xente nova que non sabes como rende en situacións máis difíciles. Pero tamén o mercado marcarache esa zona que agora nos falta de mediocampo para arriba. Imos ver o que podemos conseguir".