Respecto da charla mantida onte no vestiario, a meta deportivista sostén que "nos quedaron as cousas claras. Do único que nos incumbe é estar centrados no partido do Elxe, e no apartado futbolístico que é o importante. O único que debemos pensar é estar todos centrados en sacar a vitoria contra o Elxe".

A xuízo do porteiro branquiazul, "se estás aí abaixo é porque estás a facer as cousas mal. Creo que o outro día contra o Málaga foi o partido que máis ocasións tivemos, con máis ocasións claras e non as aproveitamos. Custounos a derrota no partido que menos o mereciamos. Temos que buscar esa regularidade que non atopamos. Esperar que o luns deamos un xiro de 360 graos e lograr a vitoria en casa".

Do rival, o Elxe, opina Fabricio que é "un bo equipo. Ten bos xogadores. Igual non rendeu do todo ben como o persoal que ten. É similar a nós. Ten un bo dianteiro. O outro día contra o Atlético podían merecer un pouco máis. Vai ser un partido moi difícil, moi igualado. Espero que se decante ao noso favor".

Sobre a afección, asegura o '13' branquiazul que "é consciente do que nos xogamos. Canto mellor clima haxa, será beneficioso para todos e mellor para todos. Todos somos o Club e o que queremos é que o equipo logre a vitoria. E éso, sen a súa axuda, sen a axuda da afección é imposible. Desde aquí, pedirlle a entrega que tivo sempre, o apoio, o ánimo e o alento que transmite cada fin de semana. E que nos axude da mellor maneira posible, animándonos e levándonos polo aire. Ese plus de forza que nos fan sacar en momentos complicados".