Lopo advirte que non vai ser fácil

Cre o central deportivista que o Numancia "é un equipo complicado e máis no seu campo, que é un campo moi difícil. Imos ir coa máxima humildade, a gañar e a facer as cousas ben. A usar as nosas armas, estar ben replegados e saír á contra".

Confesa Lopo que este tramo final, ao Deportivo, estáselle facendo "un pouquiño longo. A ansiedade éntranos a todos. O querer conseguir o obxectivo e ver que se vai escapando. Esta semana estamos preparados para dar o golpe xa".

Lembra que "os demais equipos están como nós", a pesar de que si recoñece que "estes últimos partidos fíxosenos máis costa arriba".