Lotina: Temos moita marxe de mellora con este sistema

Miguel Ángel Lotina compareció na sala de prensa do Mundo do Fútbol ao finalizar o adestramento desta mañana. Non hai lista de convocados para o partido ante Osasuna, á espera da última sesión de mañana o m

-¿Seguirá o equipo mañá con tres centrais?
-Si. Atopámonos a gusto e imos aproveitar o partido para mellorar. Vai xogar xente que imos ver como se adapta a este sistema e xente que sae de lesións. Sigo pensando que temos moita marxe de mellora..

-Haberá que ter máis o balón no canto de correr detrás del.

-Si. Pero os resultados vannos a dar esa confianza.

-¿Lopo e Colotto terán descanso e Aythami, con menos partidos, seguirá?

-Acertaches a metade. A outra mañá veralo. Non é o mesmo neste sistema un percorrido dun central que o dun carrilero. Temos que manexar esta opción.

-¿Como ves a Laure?

-Adestrou ben. Fisicamente é forte e só deixou unha semana de adestrar. Vou esperar a mañá a que me digan el e os médicos, pero é probable que xogue se está ben.

-Parece que os dous equipos, Dépor e Osasuna, empregarán aos menos habituais.

-Todos estamos parecidos. Por unha banda tes a ilusión de seguir nesta competición e pola outra hai que sacar o máximo do persoal. Aos xogadores menos habituais tes que velos, eles téñense que demostrar a eles mesmos e a nós que están para xogar, para despois contar con eles porque ao longo da tempada necesitamos a todos.

-O adestramento de hoxe de Urreta é unha boa noticia.

-Acabo de falar co médico e co preparador físico. Non quero metelo 15, 20 minutos. Leva seis semanas sen adestrar co grupo. Quero que faga un plan de adestramento, un plan de resistencia, unha pretemporada practicamente. Está descartado para mañá e para o domingo. Logo xa veremos. Hai que preparalo ben.

-¿Terá Valerón unha oportunidade?

-Mañá dígocho. Ás 19.30 de mañá xa o sabes. Non necesita oportunidades Valerón. Se xoga é porque sabemos que nos vai a dar cousas.

-¿E Rochela?

-Si.

-¿Quen vai xogar mañá?

-Aínda non o sei hoxe. A aliñación vouna a facer co médico, para ver como está a xente. Imos ir con algunhas dúbidas. Lopo e Adrián descansarán por precaución e os demais imos ver como o manexamos mañá. É importante a Copa e aquí non se tira nada.

-Si é evidente que o 1-1 da ida en Pamplona é un resultado positivo.

-A Copa é totalmente distinta e pódense dar resultados de todo tipo.

-Quizais agora a Copa vese doutra maneira tras a recuperación ligueira.

-Axuda tamén. É unha competición bonita e tamén por ter partidos para todos. Estar no bombo seguinte é bonito.

-A tempada pasada, a Copa fatigou moito ao equipo con ese catro partidos (ante Valencia e Sevilla) no mesmo mes de xaneiro.

-Cada ano é distinto. Temos a experiencia do ano pasado. O mes de xaneiro pasado tocounos a Valencia e o Sevilla.

-¿Estás escaldado co tema de Gardado?

-Gardado tivo mala sorte. Tiña molestias e coa Selección lesionouse noutra parte. Foi mala sorte. Ademais é distinto porque Gardado estaba a xogar.

-¿Hai marcado un plan de recuperación para el?

-Non. Os médicos dirannos.

-¿Manu será titular en portaría?

-Si.

-Osasuna, o rival, leva unha traxectoria similar á do Deportivo na liga.

-Desde que empatamos aquí, eles gañaron con comodidade os partidos de casa. Levan moito tempo en Primeira, co mesmo adestrador, e vainos a complicar moito. Vai ser un partido bonito.

-O pasado domingo, do tres goles que lle marcou Osasuna ao Hércules, dous chegaron en xogadas a balón parado.
-A balón parado é difícil facer gol. Ten que moverse. É de estratexia.

1.391 deportivistas xa teñen o seu carné da tempada 2016/17

1.100 deportivistas animarán ao equipo en Bilbao

PORTADA

1.036 socios de Marathón Impar e todos os afectados do día do Sporting serán recolocados ante a Granada

1.434 deportivistas xa sumáronse #ánosapaixón. Esgotados Pavillóns e Marathón Inferior para altas