José Vicente Gómez Umpiérrez, Vicente Gómez (Las Palmas de Gran Canaria, 31 de agosto de 1988), após superar o recoñecemento médico preceptivo e a firma do seu contrato para as 3 próximas temporadas, adestrouse esta mañá por primeira vez co Deportivo.
O futbolista canario realizou con normalidade toda a sesión co grupo. Só faltou Fede Cartabia, que tivo tratamento médico e de fisioterapia no vestiario.
Christian Santos estivo primeiro co resto do equipo e completou o seu traballo ás ordes do readaptador, Fran Molano.
A mañá arrincou cun circuíto físico preventivo dirixido polo preparador físico Julio Hernando. A continuación, Natxo González dispuxo un exercicio táctico. O adestramento finalizou cun partido en espazo reducido, de alta intensidade.
O cadro volverase a adestrar mañá martes a partir das 10:30 en Abegondo.
