Aínda así, Sergio, capitán do equipo onte, cre que "este Deportivo si ten gol". Asegura o centrocampista catalán que o Dépor quixo sempre pasar a eliminatoria e que non é un consolo para a liga quedar fóra: "A Copa é unha competición moi bonita, que ao principio parece que non che dá nada. Eu persoalmente gardo moi bos recordos e foi unha auténtica pena". Recoñece Sergio que "estabamos moi ilusionados con poder ofrecerlle dunha vez por todas o triunfo á nosa afección, que está a responder dunha maneira incrible".
A pesar do pau da eliminación tras a prórroga, Sergio asegura que o persoal afronta o regreso á liga "con moita ilusión e con moitas ganas".
