Víctor ve a un Athletic ''en bo momento'' e ''cun potencial tremendo''

Cre o adestrador deportivista que "estamos a pasar por ese refacho na que levamos dous partidos seguidos que perdemos. Vimos de acumular varios partidos anteriores onde non gañabamos pero tampouco perdiamos. O noso traballo non é quedarnos coas sensacións do momento que pode xerar a emoción dun partido. Por iso traballamos analizando os encontros e vémolos varias veces, para buscar as cousas que temos que mellorar".

Nesta liña, asegura Víctor que froito desas análises "as sensacións son que o traballo segue sendo positivo, porque o equipo segue propondo cousas moi interesantes. Segue xerando moitas ocasións de gol, segue defendendo con bastante contundencia pero penalizando a falta de efectividade na área rival, que isto ao final ao longo das tempadas é algo que oscila".

Ademais, confesa que haberá cambios no once inicial de San Mamés: "acumulamos moitos partidos seguidos e consideramos interesante que entren xogadores máis de refresco".

O técnico branquiazul evitou desvelar quen ocupará a portaría en Bilbao, se Manu ou Pletikosa.

Precisamente o porteiro internacional croata subliñou en rolda de prensa estar "moi contento de poder demostrar mañá a miña capacidade. Estou preparado".

Pletikosa eloxiou ao Athletic pero recalcou que "tivemos unha charla esta mañá, adestramos ben e somos positivos, temos confianza de sacar un bo resultado".