O Deportivo saíu de inicio con Dani Mallo, Héctor, Pablo Amo, Andrade, Capdevila, Acuña, Jesús, Munitis, Luque, Momo e Rubén. No primeiro tempo buscou a portaría máis o conxunto local, e logrou adiantarse á media hora de xogo con gol de Rubén Suárez. O Deportivo tan só dispuxo dun lanzamento de Jesús e outro de Rubén.
Tras o descanso, o Deportivo mellorou, entraron Abreu, Sergio, Manuel Pablo, Pandiani e César e os de Irureta tiveron máis ocasiones pero só Pablo Amo concretou transformando un pase de Pandiani.
Abreu tamén marcou pero o colexiado non viu como o balón superaba a liña e o tanto non subiu ao marcador. As protestas do dianteiro branquiazul recibiron un cartón vermello e o Deportivo acabou en inferioridade numérica. Despois o marcador xa non se movería e o trofeo tivo que decidirse nos lanzamentos desde os 11 metros. Pandiani, Sergio, Capdevila e Héctor transformaron os lanzamentos deportivistas e xa non houbo quinto xa que Dani Mallo detivo dous aos locais.
Empate no partido, vitoria nos penaltis e regreso esta mesma noite xa que os deportivistas adestran este mércores ás 11 da mañá na cidade deportiva de Abegondo.
