A FIFA decide pospor o Mundial de Clubs do 2001 ao 2003
A Fifa fixo público hai uns minutos o seguinte comunicado a través da súa páxina web: "O Campionato Mundial de Clubs da FIFA de 2001, previsto para celebrarse do 28 de xullo ao 12 de agosto en España, pospúxose para o 2003. O Comité de Urxencia da FIFA
"Decidiuse postergar esta competición tendo en conta varios factores", declarou o Presidente da FIFA Joseph S. Blatter. Algúns deles son:
1.-O período durante o que se disputa esta competición é particularmente desaconsejable debido a que outros campionatos nacionais e competicións internacionais están en marcha (p. ex. as eliminatorias da liga de Campións).
2.-A crise económica que afecta os países dalgúns clubs participantes agrava os problemas de comercialización.
3.-O mercado comercial actual afronta algúns problemas polas dificultades de ISL/ISMM, o cal repercutiu no feito de que a axencia brasileira Traffic, o socio en mercadotecnia da FIFA para o torneo, viuse ante serias dificultades para vender a competición de 2001 a patrocinadores e emisoras.
Tendo en conta a situación, e tras consultar coa Real Federación Española de Fútbol, organizadora do torneo, o Comité de Urxencia considerou que a competición poderá celebrarse sen inconvenientes en 2003, posto que para ese ano prevíronse datas apropiadas no mes de xuño, dentro o calendario internacional de partidos que entrará en vigor a principios de 2002.
A só dous meses do saque de saída do torneo (que ía ser na Coruña)de 12 equipos, e tendo en conta o feito de que a FIFA debe asumir outras responsabilidades por mor da inminente quebra de ISL/ISMM, o seu socio en mercadotecnia doutras competicións, particularmente a Copa Mundial da FIFA 2002?, o Comité de Urxencia estimou que a FIFA debía concentrarse primordialmente nestes asuntos. "