A principal Avenida de Moeche chamarase Deportivo da Coruña
O Real Club Deportivo da Coruña continúa recibindo homenaxes en toda Galicia. Así, o Concello de Moeche decidiu que unha das súas principais avenidas reciba o nome de Avenida do Real Club Deportivo da Coruña. Nos próximos días terá lugar a inauguración
Na súa carta dirixida ao Presidente deportivista, o Alcalde de Moeche
afirma que "os que estivemos co Dépor, mesmo en Terceira División,
queriamos con este acto agradecer a vostede e ao club que representa o noso
agradecemento en nome dun concello pequeno desta nosa Galicia".
Esta avenida Real Club Deportivo da Coruña é unha mostra máis do
recoñecemento que toda Galicia mostra cara á entidade deportivista, un club
que posúe a Medalla de Ouro de Galicia, a Medalla de Ouro da Universidade da
Coruña e que agora ve referendada a súa traxectoria con esta nova homenaxe en Moeche,
unha localidade que dista case un centenar de quilómetros da Coruña.
Hai poucos días, tamén a Federación de Comercio da Provincia da Coruña
agradeceu por carta ao Real Club Deportivo todo o que realizara polo
comercio de toda a Provincia.
