A SD Eibar, recentemente descendida de Primeira División, será o próximo rival do Dépor ABANCA nesta pretemporada
A SD Eibar, equipo recentemente descendido de Primeira División, será o seguinte rival do Dépor ABANCA.
O encontro ante as eibarresas, terceiro nesta pretemporada para as branquiazuis, xogarase este mércores 17 de agosto ás 18:30 no campo de fútbol de Santianes en Colunga (Asturias).
Non será o único partido a próxima semana, posto que o domingo 21 de agosto ás 19:00 horas, #ASNOSAS visitarán ao Viaxes InterRías FF de Segunda Federación Feminina, co Trofeo Concello de Sanxenxo en xogo.
O calendario de pretemporada do Dépor ABANCA, cos resultados dos partidos xa xogados, é o seguinte:
Valadares Gaia FC 2 - Deportivo ABANCA 4 (Carlota Suárez, Millene -2- e Eva Dios) Deportivo ABANCA 2 (Paula Gutiérrez e Inés Altamira) - FC Famalicão 2. A penaltis: 5-3 (X Trofeo Teresa Herrera) Deportivo ABANCA - SD Eibar, mércores 17 de agosto, 18:00 horas, campo de fútbol de Santianes (Colunga, Asturias) Viaxes InterRías FF - Deportivo ABANCA (Trofeo Concello de Sanxenxo), domingo 21 de agosto, 19:00 horas, campo Novo San Pedro (Vilalonga, Pontevedra) Deportivo ABANCA - Real Oviedo (Trofeo Emma Cuervo), domingo 28 de agosto, 18:00 horas, Estadio Pepe Barrera (Ribadeo, Lugo) Deportivo ABANCA - Athletic Club B, sábado 3 de setembro, 18:00 horas, Campo Municipal Lles Caleyes (Villaviciosa, Asturias)