- Foto: @SeFutbol -
#ANOSACANTEIRA ten representación nos próximos compromisos internacionais das categorías inferiores de España.
Así, Noel López e David Mella foron citados pola selección española sub-19 e sub-17 respectivamente para os Minitorneos Elite do Campionato de Europa de cada categoría que se celebran estes días.
Os dous canteiráns viaxaron o pasado domingo á concentración dos seus equipos e mañá mércores teñen os seus primeiros partidos.
Na sub-19, Noel mídese ás 18:00 a Austria no Estadi Olímpic Camilo Cano de La Nucía.
O calendario de partidos da selección española sub-19 é o seguinte:
Mércores 23 de marzo
18:00: ESPAÑA - AUSTRIA, no Estadi Olímpic Camilo Cano (La Nucía)
Martes 29 de marzo
18:00: DINAMARCA - ESPAÑA, no Estadio Guillermo Amor (Benidorm)
O regreso de Noel á Coruña está previsto para o mércores 30 de marzo e, por conseguinte, será baixa para o partido ante o RC Celta B do próximo domingo 27 de marzo ás 12:00 en ABANCA-Balaídos.
En canto a David Mella coa selección española sub-17, enfróntase a Bosnia Herzegovina (15:00 horas) no Stadium Etno Selo Stanisici sito na localidade bosníaca de Bijeljina.
O calendario para os españois é o seguinte:
Mércores 23 de marzo
15:00: ESPAÑA - BOSNIA HERZEGOVINA, no Stadium Etno Selo Stanisici (Bijeljina)
Sábado 26 de marzo
15:00: ESPAÑA - BÉLXICA, no Stadium Etno Selo Stanisici (Bijeljina)
Martes 29 de marzo
15:00: ESTONIA - ESPAÑA, no Stadium Novi Gradski (Ugljevik)
David Mella regresará á Coruña ao longo do mércores 30 de marzo. Así pois, o canteirán será baixa co Fabril na súa visita ao UD Somozas da próxima fin de semana.
