RCDeportivo RCDeportivo RCDeportivo
Skip to main content
GL
ACTUALIDADE

Avalancha de partidos e torneos en #ANOSACANTEIRA desde mañá mércores

Comeza mañá mércores unha semana infestada de amigables en todas as categorías de #ANOSACANTEIRA. Só faltan os alevíns e benxamíns, aínda de vacacións de verán.

Así, mañá mércores hai cinco partidos ao entrar en xogo o Deportivo ABANCA B, Cadete, San Tirso SD Cadete, Infantil e San Tirso SD Infantil.

O filial feminino visita ao Lóstrego CF no campo da Gándara en Chaín (Gondomar, Pontevedra) co Trofeo Concello de Gondomar en xogo. Será a terceira cita de pretemporada para o Dépor ABANCA B tralos triunfos ante o Viajes InterRías FF (2-0) e o Umia CF (0-1).

A lista de convocadas é a seguinte: María Calvo, Celia, Lucía Couto, Uxía Cabada, Lucía Mariño, Elena López 'Cusi', Antía Brage, Carmen Carballada, Laura Testa, Abril Pazos, Iria Otero, Tati e Laura Otero; ademais de Martina, Uxía Rabuñal e Uxía López (do Orzán SD Xuvenil); e Sara Cercido, Ana Capelo, Macarena González e Lucía Rivas (do Orzán SD Cadete).

Non será o único compromiso esta semana para as pupilas de Kevin Cabado, que o domingo disputan o XVIII Memorial Manuel Fernández Faraldo ante o Sárdoma CF B, na Torre ás 11:30.

Tamén ten dobre cita o Fabril: o venres 26 ante o Betanzos CF en Abegondo e o domingo 28 en Taboada (Lugo) ante o SD Compostela.

Estréanse en pretemporada esta semana o Orzán SD Xuvenil Feminino, o Orzán SD Cadete Feminino e o Orzán SD Infantil Feminino. Os tres equipos competirán no citado Memorial Manuel Fernández Faraldo na Torre o domingo 28.

Tamén teñen torneo a fin de semana o Xuvenil B en Asturias (Copa Principado); e o Infantil e San Tirso SD Infantil en Vigo (MS2 Cup).

O calendario de partidos, sempre susceptible de sufrir variación, é o seguinte:

Terceira RFEF
FABRIL - BETANZOS CF, o venres 26 de agosto ás 20:00 horas en Abegondo
SD COMPOSTELA - FABRIL, o domingo 28 de agosto ás 18:30 no campo da Medela (Taboada, Lugo)

Categoría feminina
LÓSTREGO CF - DEPORTIVO ABANCA B, mañá mércores 24 de agosto ás 20:30 na Gándara (Chaín, Gondomar, Pontevedra)
Memorial Manuel Fernández Faraldo
DEPORTIVO ABANCA B - SÁRDOMA CF B, o domingo 28 de agosto ás 11:30 na Torre

BERGANTIÑOS CF - ORZÁN SD XUVENIL FEMININO, o xoves 25 de agosto ás 21:00 horas nas Eiroas

Memorial Manuel Fernández Faraldo na Torre (campo 2)
3x1
Domingo 28 de agosto
9:30: ORZÁN SD XUVENIL FEMININO - SD TORDOIA
12:30: ORZÁN SD XUVENIL FEMININO - SD O VAL

Memorial Manuel Fernández Faraldo na Torre (campo 3)
3x1
Domingo 28 de agosto
9:30: ORZÁN SD CADETE FEMININO - CF NOIA
12:30: SÁRDOMA CF - ORZÁN SD CADETE FEMININO

Memorial Manuel Fernández Faraldo na Torre (campo 4)
3x1
Domingo 28 de agosto
9:30: ORZÁN SD INFANTIL FEMININO - ATLÉTICO AROUSANA
12:30: SD PONFERRADINA - ORZÁN SD INFANTIL FEMININO

Categoría xuvenil
CHANTADA ATLÉTICO, de Primeira Autonómica - XUVENIL A, o sábado 27 de agosto ás 18:00 no Sangoñedo (Chantada, Lugo)

O XUVENIL B participa na Copa Principado, á espera de confirmación do calendario.

Categoría cadete
CADETE - IMPERÁTOR OAR xuvenil, mañá mércores 24 de agosto ás 16:15 en Abegondo (campo 7)
CADETE - BERTAMIRÁNS FC xuvenil, o sábado 27 de agosto ás 11:00 en Abegondo

SAN TIRSO SD CADETE - URAL ESPAÑOL CF B, mañá mércores 24 de agosto ás 16:30 no Monte
SAN TIRSO SD CADETE - CD CALASANZ A, o sábado 27 de agosto ás 10:00 no Monte

Categoría infantil
INFANTIL - IMPERÁTOR OAR cadete, mañá mércores 24 de agosto ás 18:00 en Abegondo (campo 7)

MS2 Cup en Vigo
Sábado 27 de agosto
Primeira Fase
10:20: VICTORIA FC - INFANTIL, no campo José Costas
12:20: AROSA SC - INFANTIL, na Madroa 2
13:00: RC CELTA B - INFANTIL, no campo José Costas
Os dous primeiros de grupo accederán a cuartos de final, mentres que o terceiro xogará unha Fase de Prata.

SAN TIRSO SD INFANTIL - URAL ESPAÑOL CF A, mañá mércores 24 de agosto ás 18:30 en Abegondo (campo 5)

MS2 Cup en Vigo
Sábado 27 de agosto
Primeira Fase
9:40: CD CONXO - SAN TIRSO SD INFANTIL, na Madroa 2
11:40: CORUXO FC - SAN TIRSO SD INFANTIL, na Madroa 2
12:20: RC CELTA - SAN TIRSO SD INFANTIL, na Madroa 2
Os dous primeiros de grupo accederán a cuartos de final, mentres que o terceiro xogará unha Fase de Prata.