#Branquiazul6Ø7Ø: Unha camiseta que evoca momentos inesquecibles

 

As dúas últimas campañas con esa camiseta, as únicas con pescozo de camisa (anteriormente era redondo e en cor branca) foron tamén as últimas en Primeira División antes da ausencia da elite máis prolongada na historia do Club: 18 anos, entre 1973 e 1991. É dicir, a ‘longa noite de pedra' do deportivismo botou a andar co ‘desterro' das franxas anchas.

 

Previamente, o RC Deportivo utilizara camisetas con raias anchas en varios momentos importantes da súa historia. En primeiro lugar, no seu debut no Campionato Nacional de Liga, na Tempada 1928-1929. O equipo seguiu usando eses equipamentos ata os primeiros anos da década de 1930. Tamén as luciu na primeira campaña tras a Guerra Civil (1939-1940), na que quedou máis preto do ascenso que nunca ata entón, ao disputar a promoción a partido único fronte ao Celta. A diferenza é que naqueles primeiros uniformes con franxas anchas, o pantalón e as medias aínda non eran de cor azul, senón negro.

 

Máis recentemente, o Deportivo usou franxas anchas, aínda que non do tamaño dos anos mencionados anteriormente, entre as Tempadas 1998-1999 e 2001-2002.