Deportivo e Atlético de Madrid pechan o traspaso de Filipe

Filipe chegou ao Deportivo cedido na tempada 2006-07, con Caparrós no banco branquiazul. A partir de aí, a súa proxección foi imparable. Ao finalizar esa tempada, o Depor renovou a súa cesión para a 2007-08, xa con Lotina en Riazor, e adquiriu os seus dereitos federativos xa desde a 2008-09. Xusto ao acabar esta última tempada, estivo a piques de fichar polo Barcelona, pero ao final non frutificaron as negociacións entre os dous clubs.