Dura xornada de regreso mañá xoves para As Nosas, concluído esta noite, con prórroga e penaltis incluídos, o partido da segunda eliminatoria da Copa da Raíña no campo 2 da Ciudad Deportiva de Tenerife Javier Pérez.
Haberá toque de diana ás 5:30 da madrugada (hora local) para as futbolistas branquiazuis no hotel de concentración en Santa Cruz de Tenerife co obxecto de regresar a Galicia nun avión que despegará do Aeroporto de Tenerife Norte ás 7:50 (hora local).
Nada máis aterrar, a expedición do Dépor ABANCA dirixirase á Cidade Deportiva para realizar un novo adestramento sobre as 13:00 horas.
Non hai tempo que perder posto que este domingo 23, o primeiro equipo feminino do Club visita ao Athletic Club B en Lezama a partir das 12:00, na 6ª xornada en Primera Federación FutFem.
O plan de regreso do Dépor ABANCA é o seguinte:
Xoves 20 de outubro
7:50 (hora local): Saída do voo de Tenerife Norte con destino Santiago
11:30: Chegada aproximada a Galicia
13:00 (hora aproximada): Adestramento en Abegondo
