Durísima derrota do Dépor en Elxe (4-0)

Víctor Sánchez do Amo apostou de inicio pola continuidade con respecto ao once do pasado domingo fronte ao Málaga, coa única variación do regreso de Sidnei que, tras cumprir sanción na costa do sol, volveu á titularidade no centro da zaga en lugar de Insua.

 

Aínda non se completou o primeiro minuto cando o Elxe pisou área por primeira vez con perigo cun centro desde a dereita que Jonathas non acerta a rematar no primeiro pau e acaba sacando a defensa a córner.

 

A primeira aproximación do Dépor chegou no catro cun pase longo de Sidnei directo ás mans de Tyton cando buscaba a chegada de Oriol.

 

Foi o preludio do primeiro gol do partido. Unha gran xogada de Damián Suárez que se marchou de Juan Domínguez e de Sidnei para gañar liña de fondo e deixar atrás onde Jonathas non perdoou para pór por diante no marcador ao equipo local.

 

Pedro Mosquera tamén puido anotar antes de chegar ao 10 pero o remate de cabeza do coruñés marchouse alto. O Elxe seguiu dominando insistentemente ata que no minuto 20, ao saque dunha falta, Álvarez Izquierdo pitou un penalti por un agarrón de Lopo que o conxunto local materializou por mediación de Lombán. O partido púñase moi costa arriba con 70 minutos aínda por diante.

 

Case media hora tardou o Dépor en xerar unha ocasión de gol co remate de cabeza de Oriol Rise alto sobre a portaría de Tyton.

 

Unha xogada idéntica á que supuxo o penalti do Elxe acabou cun remate de Lombán que atallou ben Fabricio para evitar o terceiro. O propio Lombán volveuna a ter nun saque directo de falta que se marchou a escasos centímetros da portaría branquiazul.

 

Con dous segundos sobre o 45 Álvarez Izquierdo pitou o final da primeira parte para pór punto final a un monólogo do Elxe e a unha actuación do Dépor completamente oposta ao que se esperaba dun partido desta transcendencia.

 

O primeiro disparo tras a continuación foi do Dépor nunha volea desde a frontal desviada de Oriol Rise, e un minuto despois un tiro fóra de Lucas Pérez dándose a volta tamén na liña da zona de castigo. E de novo Oriol no minuto 3 a centro de Luisinho púxoa de cabeza a escasos centímetros do pau do Elxe.

 

No minuto 8 da segunda metade o Elxe sentenciou o partido nunha xogada na que Jonathas recibe nas pavías do fose de xogo pero en posición correcta, remata contra o corpo de Fabricio e Pasalic empuxa de cabeza sobre a liña de gol para facer o 3-0.

 

O primeiro remate entre o tres paus do partido a favor do Dépor chegou preto do ecuador do segundo tempo cun remate de Oriol Rise desde o punto de penalti ás mans de Tyton. O propio gardameta polaco evitou instantes despois o gol de Cavaleiro saíndo ben a tapar o remate ás toas do portugués. Cavaleiro tivo de novo a seguinte cun lanzamento desde a frontal que de novo atallou Tyton.

 

Luisinho estrelou un centro no traveseiro no 70 e Fabricio atallou dúas consecutivas, unha de socato e outra a saque de córner que a punto estiveron de supor o cuarto dos ilicitanos. Un cuarto que chegou nas postrimerías nunha contra persoal de Rodrigues que acabou a xogada marcando por baixo das pernas de Fabricio, apuntillando a un Dépor que non apareceu nunha das últimas grandes oportunidades de dar un paso cara á permanencia.

 

Elxe CF: Tyton, Damián, Enzo Roco, Lombán, Cisma, Pasalic, Mosquera, Aarón (Adrián, min. 67), Fajr (Coro, min. 87), Víctor Rodríguez (Rodrígues, min. 83) e Jonathas

 

RC Deportivo: Fabricio, Juanfran, Lopo, Sidnei, Luisinho, Borges, Álex Bergantiños, Juan Domínguez (Salomâo, min. 53), Cavaleiro (Toché, min. 67), Lucas (Fariña, min. 63) e Oriol Rise.

 

Goles: 1-0 Jonathas (min. 6); 2-0 Lombán -p- (min. 20); 3-0 Pasalic (min. 53); 4-0 Rodrigues (min. 91) 

 

Árbitro: Álvarez Izquierdo (C. Catalán). Amoestou a Lopo (min. 36), Luisinho (min. 42), Damián (min. 86)

 

Incidencias: Partido da 34ª xornada da liga BBVA disputado no estadio Martínez Valero.