- Foto: @SeFutbolFem -
A dianteira do Deportivo ABANCA Nuria Rábano está concentrada coa selección española sub-20 na Copa do Mundo da categoría, que se celebra na Bretaña francesa.
Mañá venres 24 de agosto, toca cita coa gloria, na gran final do torneo, a partir das 19:30 horas fronte a Xapón. O encontro será no estadio La Rabine de Vannes; e será retransmitido por Gol e Eurosport.
Ambos os equipos víronse as caras na Primeira Fase, nun choque que caeu ao lado español (1-0).
A deportivista Nuria debutou na competición no último partido do grupo C, ante Estados Unidos.
Tralo descanso dese encontro, concretamente no minuto 59, a atacante branquiazul saltou ao céspede en substitución de Lucía García.
No resto de partidos, tanto da Primeira Fase como das eliminatorias, Nuria seguiu o xogo desde o banco.
O calendario de España, cos resultados dos partidos xa xogados, é o seguinte:
Primeira Fase (Grupo C)
Luns 6 de agosto
PARAGUAI 1 - ESPAÑA 4
Xoves 9 de agosto
ESPAÑA 1 - XAPÓN 0
Luns 13 de agosto
ESPAÑA 2 - ESTADOS UNIDOS 2
Cuartos de final
Xoves 16 de agosto
ESPAÑA 2 - NIXERIA 1
Semifinais
Luns 20 de agosto
ESPAÑA 1 - FRANCIA 0
Final
Venres 24 de agosto
19:30: ESPAÑA - XAPÓN, no estadio La Rabine (Vannes)
