A pouco máis de 48 horas de recibir ao RC Celta B en ABANCA-RIAZOR, o domingo 26 de marzo ás 19:00 horas (TVG-2 e InSports.tv), e dos adestramentos desta mañá en Abegondo e de mañá sábado no Estadio, todo o cadro está dispoñible para o encontro salvo Lucas Pérez.
Os Servizos Médicos que dirixe o doutor Carlos Lariño estarán pendentes da evolución nos próximos días do dianteiro coruñés, que onte, con febre, non se adestrou, para comprobar se está en condicións de competir ante o equipo vigués.
