Fayçal e Piette xogaron hoxe venres; e Borges arrinca mañá sábado a Copa América

  O deportivista Fayçao Fajr e o fabrilista Sam Piette tiveron hoxe cita internacional coas súas respectivas seleccións nacionais: Marrocos e Canadá. Ambos os futbolistas arrincaron os seus partidos no banco, saíron na segunda metad

Fayçal saltou ao céspede no minuto 77

En partido clasificatorio para a Copa de África 2017, Marrocos empatou ante Libia (1-1), en Rades (Tunes). O deportivista Fayçal saltou ao céspede no minuto 77 en substitución de Hakim Ziyech.

O pasado venres, Marrocos dobregou (2-0) ao Congo en partido amigable que se xogou en Tánxer. Fayçal arrincou o partido no banco. Tras o descanso, o centrocampista branquiazul relevou a Mounir Obbadi e disputou pois os segundos 45 minutos.

A partir do día de hoxe, Fayçal finaliza a concentración da selección e comeza as súas vacacións.

Sam Piette disputou a última media hora de xogo fronte a Azerbaiján

O fabrilista Sam Piette atópase concentrado con Canadá en Austria desde o pasado martes 31 de maio, ata ao mércores 8 de xuño.

Hoxe venres, a selección canadense xogou un amigable (1-1) ante Azerbaiján no Stadion Rohrbach en Rohrbach An Der Lafnitz. Piette arrincou o encontro no banco e saltou ao céspede no minuto 62, substituíndo a David Edgar.

O martes 7 de xuño será o segundo amigable, nesta ocasión fronte a Usbequistán, no Thermenstadion da localidade austríaca de Bad Waltersdorf (16.00).

Por conseguinte, Piette causa baixa no Fabril para o partido de ida da segunda eliminatoria do Play Off de Ascenso a Segunda División B, ante o Navalcarnero en Riazor (domingo 5 de xuño ás 12.00 horas).

Celso Borges inicia mañá sábado con Costa Rica a Copa América Centenario 2016

Mañá sábado 4 de xuño, Paraguai será o primeiro rival de Costa Rica, na que se atopa convocado o deportivista Celso Borges, na Copa América Centenario 2016. O encontro xógase en Orlando (Estados Unidos) ás 17.00 (hora local).

O calendario de Costa Rica na Primeira Fase é o seguinte:

Sábado 4 de xuño

COSTA RICA - PARAGUAI, ás 17.00 (hora local) no Citrus Bowl de Orlando

Martes 7 de xuño

ESTADOS UNIDOS - COSTA RICA, ás 19.00 (hora local) na Soldier Field de Chicago

Sábado 11 de xuño

COLOMBIA - COSTA RICA, ás 20.00 (hora local) no NRG Stadium en Houston

Os dous primeiros clasificados accederán a cuartos de final, do 16 ao 18 de xuño. As semifinais xogaranse o 21 e 22. O 25 de xuño está previsto o partido polo terceiro e cuarto posto; mentres que a final celebrarase o 26 de xuño en New York.

#ANOSAFORZA

10% de desconto e 4 anos de garantía para #ANOSAFORZA en Louzao

1.391 deportivistas xa teñen o seu carné da tempada 2016/17

PORTADA

1.036 socios de Marathón Impar e todos os afectados do día do Sporting serán recolocados ante a Granada

115 entradas á venda o luns en Riazor para #ONosoDerbi