Crece o ambiente para o partido do domingo fronte ao Salamanca
HOXE ASÍNASE O CONVENIO POLO CAL LEYMA PATROCINARÁ Ao R.C.DEPORTIVO
A máxima novidade da actualidade deportivista do fin de semana, á parte do encontro correspondente á quinta xornada de Liga que enfronta ao Deportivo e ao Salamanca en Riazor, supona o acto da firma do convenio de colaboración entre o club coruñés e a firma de produtos lácteos Leyma para a sponsorización da entidade branquiazul.
O acto terá lugar a partir das 13.30 horas na sede do Real Club Deportivo na Praza de Pontevedra, e ao mesmo, ademais do presidente deportivista, Augusto César Lendoiro, asistirán altos cargos da mencionada firma comercial.
Aínda que non se quixeron adiantar os detalles que se encadran dentro do convenio entre as dúas entidades, parece que o mesmo non se limitará á presente tempada e que se contempla a súa continuidade. Tampouco se barallaron as cifras que achegará a firma Leyma, porque a pesar de que circularon certas cantidades, todo pecharase nas últimas horas (...). Coa firma deste convenio conséguese unha vella aspiración do club branquiazul e refórzase o capítulo económico de ingresos atípicos (...).
