O Deportivo fíxoo todo no primeiro tempo: xogou ben, controlou, dominou e marcou dous golazos. No minuto 9 de encontro Makaay dispara cruzado e marca por toda a escuadra adiantando ao Deportivo. Antes, Naybet deixou un gran pase para o remate de Víctor que detén a meta británico. Tristán marcaría no 25 o segundo e definitivo gol branquiazul. Tras o seu gol, Tristán tivo que ser substituído por Amavisca por molestias. O Deportivo controlou o partido sen problemas ante un Arsenal que non acababa de atopar o seu sitio e os branquiazuis aproveitárono para xogar cómodos.
No segundo tempo o Arsenal arrincou con máis forza pero sen definir. Makaay deu entrada a Pandiani e Valerón a Djalminha. Os branquiazuis xogaron máis desorientados nos minutos iniciais, pero aos poucos volveu facerse co control e a xogar o partido que lle interesaba e o Arsenal púxose máis e máis nervioso ao verse incapaz de remontar.
Ao final vitoria por dous goles a cero do Deportivo que dá a tranquilidade necesaria aos branquiazuis para afrontar os seus próximos compromisos lonxe de Riazor. O outro partido do grupo, entre Juventus e Bayer, tivo que ser aprazado ata a próxima semana pola néboa polo que encabeza o Grupo D provisionalmente á espera do resultado dese encontro.
O Deportivo formou con Molina, Romeu, Naybet, Mauro, Makaay (Pandiani 49'), Tristán (Amavisca 29'), Scaloni, Emerson, Víctor, Donato e Valerón (Djalminha 72').
Suplentes: Nuno, César, Djalminha, Amavisca, Capdevila, Pandiani e Duscher.
O Arsenal, pola súa banda, saíu de inicio con Wright, Cole, Vieira, Pires, Ljungberg, Wiltord, Lauren, Henry, Van Bronckhorst, Upson e Campbell.
Suplentes: Taylor, Parlour, Edu, Grimandi, Inamoto, Kanu e Stepanovs.
