Comezaba o partido en Riazor cun cuarto de entrada e saltando polo Deportivo o once que disputou o partido ante a Juventus: Molina, Manuel Pablo, Donato, Naybet, Romeu, Sampaio, Emerson, Víctor, Turu, Djalma e Pandiani. Polo Panathinaikos saltaban ao campo Chalkias, Henriksen, Galetto, Goumas, Warzycha, Vokolos, Saric, Bassinas, Liberopoulos, Karagounis e Fyssas.
O partido comezaba co control do partido do Panathinaikos que non deixaba xogar ao Deportivo. Así se sucederon o dez primeiros minutos aínda que os helenos non dispuxeron de ocasións. A partir do minuto 10 o Deportivo dispuxo dun cuarto de hora de control de xogo no que puxo en serios apuros a Chalkias, a meta visitante, que tivo que empregarse a fondo. Con todo, nin Djalminha, nunha clara ocasión, nin Víctor e tampouco Pandiani puideron marcar e chegábase ao descanso co 0-0 inicial mentres a Juventus perdía ante o Hamburgo.
No segundo período Víctor tamén dispuxo dun par de oportunidades pero Chalkias primeiro, e Nikopolidis despois, que entrou tras a lesión do gardameta titular, abortaban as ocasións. A entrada de Fernando deu máis xogo na banda esquerda. O equipo de Irureta xogou para gañar, en momentos presionado, noutros sen fortuna, pero sempre buscando o gol que non chegaría ata o minuto 82 no que un gran centro medido de Fernando é rematado por Pandiani de cabeza picado batendo a Nikopolidis que non pode facer nada. Sería o primeiro e definitivo gol do partido que clasifica matematicamente ao Deportivo para a segunda fase e con moitas probabilidades, dependendo do resultado de Hamburgo, como cabeza de grupo. Pandiani marcou un tanto histórico para o Club herculino nun partido no que os branquiazuis non acertaron coa portaría.
