O Real Club Deportivo quere agradecer a Lucas a súa decidida aposta polo Dépor e a súa entrega en cada minuto sobre o campo defendendo a camiseta branquiazul. O seu rendemento serviu para ilusionar aos deportivistas, sobre todo aos máis novos, axudando a espertar unha enorme ilusión polo equipo e gañándose con suor o agarimo dos afeccionados. Estas dúas tempadas nas que Lucas creceu como futbolista vestindo #asnosascores serviron tamén para pechar unha importante operación para o futuro económico do Club. Por todo iso desexámoslle os maiores éxitos na súa nova etapa profesional: ¡grazas e sorte!
