Os socios do Real Club Deportivo Rosario Rodiño Sangiao e Óscar Maroño Vales recibiron no descanso do primeiro partido da Temporada 2018-2019 no Estadio Abanca-Riazor (o Dépor-Sporting do pasado 9 de setembro) os premios á asistencia ao Estadio da pasada temporada. Rosario e Óscar foron dous dos 2.277 socios que asistiron á totalidade dos partidos de LaLiga e Copa do Rei da Temporada 2017-2018.
Co mesmo sistema informático que cada xornada asignou unha camiseta de Os Nosos a un os asistentes a cada un dos partidos disputados en Abanca-Riazor, e dúas prazas na área VIP 1906 entre todos os asistentes aos partidos da primeira volta, a OAD acolleu o sorteo no que se asignaron os dous gañadores.
Rosario Rodiño Sangiao recibiu unha motocicleta Yamaha de Manell Motor de mans de Manell Botana, que por terceiro ano consecutivo apoia esta iniciativa e premia aos socios do Dépor; así como Viaxes Orzán que entregou, a través de Ignacio Valeiras, unha viaxe ao Caribe a Óscar Maroño Vales.
