Nenos da Baña, Melide e Negreira visitaron Riazor
Os nenos da Baña, Melide e Negreira que esta semana participan na segunda quenda do Campus da Deputación organizado polo Deportivo visitaron esta mañá as instalacións branquiazuis en Riazor. Os mozos, que tamén fixeron un percorrido pola cidade, coñeceron
Os concellos que participan na segunda quenda do Campus son: Ames, A Baña, Boimorto, Cambre, Malpica, Melide, Negreira, Sobrado, Teo, Toques, Touro, Val do Dubra e Vedra. Serán en total 138 nenos, que están acompañados por 13 monitores (un por cada Concello). Os nenos incorporáronse a Acea de Ama onte e finalizan o sabado 19.
Por outra banda, tamén hai unha trintena de nenos da cidade que participan no Campus do Deportivo e que comparten os seus mañás de deporte con nenos de toda a provincia.
Continúa aberto o prazo de inscripcion para o terceiro, cuarto e quinta quenda do campus de futbol do Deportivo.
Os interesados deben dirixirse ás oficinas do Deportivo sitas na Praza de Pontevedra 19 1º da Coruña antes da citada hora. Continúa aberto o prazo de inscrición para o resto de quendas do Campus do Deportivo, que teñen estas datas:
Quenda 3: Do 20 ao 26 de xullo
Quenda 4: Do 27 de xullo ao 2 de agosto
Quenda 5: Do 3 ao 9 de agosto
Os prezos de inscrición son 81 euros para o público. Os socios ou accionistas do club ou ben fillos de socios ou accionistas pagarán 75 euros. Estas dúas tarifas son para nenos e nenas en réxime de externado. A maiores, se os nenos necesitan transporte, deben pagar un suplemento de 15 euros.
Tamén o Campus do Deportivo ten previsto réxime de mediapensión e internado. Os mediopensionistas socios ou accionistas ou ben fillos de socios ou accionistas do Deportivo deben pagar 230 euros. 250 euros para o público en xeral. O transporte tamén ten o suplemento adicional de 15 euros. A comida sempre será nas dependencias da Universidade Laboral, en Acea de Ama (Culleredo).
Por fin, os que desexen incorporarse en réxime de internado, teñen estas tarifas:
Socios ou accionistas ou ben fillos de socios ou accionistas: 365 euros
Público en xeral: 385 euros
Neste caso, a recepción dos nenos será o domingo anterior ao comezo da quenda, ás 18.30 en Acea de Ama. A saída será o sábado seguinte, ás 16 horas.
O réxime de mediapensión e internado só será posible para nenos e nenas de 10 a 12 anos. Para o de externado, con horario de 10 a 14.30 horas, pódense apuntar nenos e nenas entre 6 e 14 anos.
Os nenos poden repetir nas quendas seguintes as veces que o desexen.
