No descanso o Deportivo protestou a UEFA porque un panel ocultaba o vestiario do árbitro e OM
Durante o descanso do partido no Velodrome de Marsella, e con empate a un tanto no marcador, a delegación do Deportivo queixouse verbalmente ante o Delegado de UEFA, o esloveno Dane Jost, porque un panel publicitario móbil impedía ver desde o vestiario
Visto que a UEFA non interviña nunha situación polo menos
estraña, e dado que ademais ese corredor de vestiarios era o lugar de paso para
a sala de prensa, un membro do Deportivo debidamente acreditado para acceder
a todas as áreas, situouse durante o intermedio do choque nesa parte oculta
na que estaban os árbitros e o Olympique de Marsella. Con todo, e a pesar de estar
acreditado, este membro do Deportivo foi expulsado desa área
-que o Olympique converteu en privada inexplicablemente- por un membro de seguridade
do equipo francés e por unha persoa de UEFA que non se identificou en ningún
momento.
O Real Club Deportivo da Coruña non dubida da honestidade do trío
arbitral pero quixo e quere deixar constancia dunha situación estraña que se viviu
onte na zona de vestiarios do Velodrome e que nunca viviu o equipo
deportivista na súa longa andaina europea pola Copa da UEFA, a liga de Campións
e a Copa Intertoto.
