O Dépor ABANCA volveu ao traballo despois de dous días de descanso xa pensando no Granada CF
As Nosas, que gozaron de dous días de descanso (o domingo e onte luns), regresaron esta mañá a Abegondo coa mente posta xa na próxima cita en Primera Federación Iberdrola, o sábado 1 de abril ás 12:00 en Abegondo (Youtube: RC Deportivo) ante o Granada CF.
A última xornada de liga, co empate en Córdoba, deixou ao Dépor ABANCA na 3ª posición con 42 puntos, os mesmos que o CDF Osasuna Femenino. Por diante marcha o SD Eibar (2º con 43) e o FC Barcelona B, líder con 49 puntos pero que non pode ocupar a praza de ascenso directo pola súa condición de filial.
Irene Ferreras disporá de catro sesións de traballo ás 10:00 na Cidade Deportiva, con vídeo e ximnasio previos cada día a partir das 9:00 horas.
A planificación semanal, sempre susceptible de sufrir variación por razóns técnicas, é a seguinte:
Martes 28 de marzo 10:00 h.
Mércores 29 de marzo 10:00 h.
Xoves 30 de marzo 10:00 h.
Venres 31 de marzo 10:00 h.
Sábado 1 de abril 12:00: Deportivo ABANCA - Granada CF, en Abegondo