O Dépor enviou case un milleiro de invitacións para os actos do Centenario do 3 de setembro
O Deportivo dirixiuse esta semana por carta a case un milleiro de persoas que estiveron vinculados ao Club ao longo da súa historia ben como ex empregados, ex xogadores ou ex directivos. O motivo era trasladar a todos formalmente a invitación para partici
Di a misiva enviada polo Presidente Augusto César Lendoiro que serán uns actos "sinxelos, pero entrañables, nos que teñan cabida todas aquelas persoas que de modo directo posibilitaron esta gozosa realidade".
A xornada comezará ás 13.30 cunha misa na Colexiata de Santa María del Campo (Cidade Vella) en memoria de todos os falecidos. Ás 14.30 haberá un xantar no Hotel Hesperia Finisterre. E pola tarde, no Estadio de Riazor, o Superdépor (futbolistas que militaron no primeiro equipo desde 1992 a 1995) medirase a un combinado de veteranos do Deportivo. En xogo estará o Trofeo Juan Acuña.
Para o partido xa confirmaron a súa presenza practicamente todos os membros do Superdépor (Mauro Silva, Fran, Bebeto...) e no outro lado, Djalma, Naybet, entre outros, tamén se vestirán de curto.
