O Dépor - UD Almería de semifinais de Copa del Rey xogarase o mércores ás 20:00 horas
O partido de semifinais da Copa del Rey xuvenil entre o Deportivo e a UD Almería xogarase o mércores 8 de marzo ás 20:00 horas no Estadio Reino de León, segundo fixo público a RFEF.
Anteriormente, ás 16:30, xogarase a outra semifinal que enfronta ao Athletic Club e ao Real Madrid CF.
Os vencedores dos dous partidos xogarán a gran final o sábado 11 de marzo ás 16:30 no mesmo escenario, o Estadio Reino de León.
Todos os partidos poderanse seguir en directo a través de www.rfef.es.
Pola súa banda, os prezos das entradas serán de 5 euros as semifinais e tamén de 5 euros a final. Os interesados poderán adquirilas nos próximos días en https://tickets.rfef.es/.
A anterior e única semifinal de Copa para o Dépor foi na campaña 2010-11, despois de apear á Real Sociedad en oitavos e ao Real Madrid en cuartos. Naquela ocasión, o Xuvenil A foi eliminado polo FC Barcelona.
Antes de encarar este choque copeiro ante a UD Almería, o conxunto de Manuel Pablo visita mañá sábado 4 de marzo no Municipal de Villaescusa (Cantabria) ás 18:30 ao Club Bansander en partido correspondente á 23ª xornada na División de Honra.